Skip to Content

Sang Hlei Thang uar a um tuk hringhran,  Buainak tuah lo tein OK a pek khawh ko hna

Sang Hlei Thang uar a um tuk hringhran, Buainak tuah lo tein OK a pek khawh ko hna

Be First!
by February 10, 2019 Chin, Home

Tutan NAPC (North America Paih Committee) hruainak in February 9, Indianapolis ah tuah mi Paih buan cu a dih ruangmagn cang. Kan theih cio bantuk in Uk Ling Thang nih zuamcawh paih, Zatlang paih tiah a pahnih in bual a co, World Champion a hmuh.

Patthawng lawngte an i paih caah zoh cu an nuam bak, an pumrua a ttha, an taksa a tut i thazaang tthawng lawngte an si tikah Laipa kan tthawnnak hmual zong zohdawh tuk in hmuh khawh a si ko.

A si nain tutan NAPC Paihnak ah lung a hmui khun mi le, thangthat awk zong a tlak ngai tiah ruah mi cu Sang Hlei Thang (Hriphi) hi a si. Zuamcawh paih ah Uk Ling Thang he an i paih lio video kha nan zoh cio ttheu lai (The Chinland Post zong nih video an faebook page an an tar). Uk Ling Thang zong nih a tei lo, cu bantuk in a mah Sang Hlei Thang zong nih ttha tein a teng kho lo, voi 2 voi 3 hrawng cu Sang Hlei Thang nih a thluk nain a bawktakhup lei a si caah Paih phung in tengh ah rel a si lo.

Cu ti cun Laipa patthawng bak a si mi Sang Hlei Thang le Uk Ling Thang cu an i pai lengmang nain an i tei kho taktak ve lo, a donghnak ah a caan a dih cang caah referee lei biachahnak in dih ter a si, an i tei veve lo nain Uk Ling Thang tei ah an pek i Sang Hlei Thang cu sungh ah an chiah. Hi hi an mah phung in voitam deuh aa la kho mi tiah biachahnak an tuah mi si dawh bik in a langh.

Hi ka zawn ah langhter kan duh bik mi cu “Referee nih Sang Hlei Thang cu sungh ah an chiah, an i tei veve lo nain sungh ah an chiah, a si nain dai tein OK a pek hna, zeibantuk biaelnak hmanh a chuah pi lo”. Hi bantuk thinlung put hi Laipa puitling kan sinak a langhnak cu a si, ruahnak puitling lo, ruahnak tlawm le thintawi caah cun Malaysia bantuk in tthutdan den zong a chuak men hnga, a si nain Sang Hlei Thang cu dai tein OK a pek men ko hna. Upat tlak hrimhrim a si.

Photos Credit: CCN Channel

Credit: Cing Te

*Copy hlah*

Previous
Next

Leave a Reply

Your email address will not be published. Required fields are marked *

*