Skip to Content

Hi “ Sii tlang” hi rak hman hrimhrim hlah uh, tinung tuk a si ning hi rak rel ve

Hi “ Sii tlang” hi rak hman hrimhrim hlah uh, tinung tuk a si ning hi rak rel ve

Be First!
by February 10, 2019 HEALTH & FITNESS, Home

Methamphetamine timi sii hi vawlei ralpi pahnihnak (Word war II) hrawng ah Rang caah rak ser mi a si nain a tu ahcun mino, ngaknu tlangval tampi nih biatak tein an hman ve cang ti asi. Hi Sii a hmang mi tampi cu tihnak tiang an ton bantuk in an taksa, titvun tiang in a sawng dih i khuaruah har in fahnak nih a chuah hnawh hna. Hi Sii hi Kawlram (Burma) ahcun Rang (Horse) Sii tiah rak auh a si nain a hnu deuh ahcun Methamphetamine tiah an auh tthan, a tu ahcun WY tiah an auh cang.

Hi Sii sernak ah an hman mi cu Pseudoephetamine a si, India ram zong nih tampi a ser chuah, cun Kawlram zong ah hi Sii sernak hi hmun tampi ah a um cang tiah an chim. Hi Sii serchuahnak ding ahhin factory nganpi, Inn nganpi a herh lo, cu caah a thli tein, phungning loin khuazei hmun paoh ah an ser chuah. A cheu nih cun motor chung hna ah an ser tikah police zong nih an thei kho tawn hna lo. Mino, ngaknu tlangval nih an cawk tuk fawn tikah a man hrim a ttha.

Hi Sii a rianttuan ning hi phundang ngai a simi cu “ Lungthawhnak, thisen thawhnak caah a ttha, nupa diriamhnak caah a ttha tuk, rawl ttawm theih khawh a si lo, thabat theih a si lo, a si nain dang cu a ro duh ngai ti asi. Drug vialte lakah a hman a nuambik ti awk tluk in minung cungah rian a ttuan i, hi Sii a hmang cang mi nih cun an hlah siang ti lo. Addicted (Thlah khawh ti lo) dirhmun ah um cang ahcun mithah lainawn zong an ngamh, cun hi Sii tlang an ei mi nih an thluak ah rawhralnak fak ngai in a chuah ter, an lung a lo, thil an philh colh peng, a hnu ahcun an pawpi, an chungril vialte a rawk dih, a chiatnak kong hi chim ahcun chim cawk ding a si lo, cu tluk cun minung caah tihnung mi asi.

Hi Sii tlang hi Kawlram ah a tam taktak tiah an chim, cu pin ah Sumdawng tuahnak ah a hmang mi an tam taktak, Burma in Mizoram, cun Bangladesh, Pakistan le Arab ram tiang an zuar tawn. Mizoram zong hi Burma sumdawng pawl nih Market pakhat dirhmun ah an hmang cang ti a si.

Hi Sii ahhin Pink color le Red ( A sen) hi a laar bik, Mizoram ahcun Damdawi (Sii) sen tiah an auh.

Hi sii hi Sibawi pawl zong nih mizaw cheukhat sin ah an hman pah tawn, Methamphetamine timi min lawng aa tial ahcun a poi tuk lo, a si nain WY timi cafang aa tel chih ahcun a cunglei kan langhter mi tihnung thil vialte a keng mi a si. Hi sii hi a tu lio ah  a laar ngai mi, rithaisii pakhat bantuk an hman peng rih mi le, minung caah tihnung ngai mi asi. Cu caah hi bantuk sii na hmuh ahcun rak test ve hrim hlah. Na tongh tham, na hman ve sual ahcun hmanthlak chung na hmuh mi minung bantuk dirhmun ah na phan lai i na chan ttim hlah ah Thlangkhur na phan ko lai.

Credit: J Ramlian Mawia

Previous
Next

Leave a Reply

Your email address will not be published. Required fields are marked *

*