Skip to Content

Kawl nu rual pawl nih Kawlpa pawl an tlaihhrem hna hnu ah an Tilmu an fir i an zuar

Kawl nu rual pawl nih Kawlpa pawl an tlaihhrem hna hnu ah an Tilmu an fir i an zuar

Be First!
by February 11, 2019 Home, Myanmar

Hi thawngpang hi a tu lio ah tihnung ngai mi, a taktak in a tong mi zong an tam ngai cang tiah an chim mi a si. Kawlram micawk zuarnak kong he pehtlai in rian a ttuan ve mi phu chung ah aa tel ve mi, Mue Hnin Aye (ျမဴနွင္းေအး) timi muidawh nu lawngte an i telnak phu (Gangster ti zong in an auh cang hna -လူကုန္ကူးအမ်ိဳးသမီးအဖြဲ႕) nih Khuate lei in a rak ra mi Kawlpa tampi cu an lem hna, cun an tlaihhrem hna hnu ah an thah hna i an til mu cu an fir, an zuar tawn tiah theih a si.

Mue Hnin Aye (ျမဴနွင္းေအး) timi phu pawl hi an mui zong aa dawh, an taksa zong a tthat tuk tikah pa tampi caah cun mitthi taktak khi an si tiah an chim. Cu bantuk in an i dawhnak muisam pawl cu tihnung taktak dirhmun ah an hman i Thailand ram lei ah kal ding in aa tim mi Kawlram khuate tlangval pawl cu an lem hna, an zikmawih hna i diriamhnak zong an hman pi hna, a cheu cu Sii (rithai si) tiang an dinh hna i an tlaihhrem hna hnu ah tlangval pawl cu an thah hna i an til mu pawl cu an firpiak hna hnu ah an zam tak tawn hna hi a si tiah an chim.

Mue Hnin Aye (ျမဴနွင္းေအး) group pawl hi a bik in ramri a si mi Kawhtawng, Myowady ti bantuk ah a bik in an um hna, a bik in Kawlram khuate tlangval a si tiah an theih mi hna paoh cu luat lo in an komh colh hna. An i dawhnak muisam le taksa in an lem hna i an tlaihhrem hna hnu ah an thah beh hna i an til mu tiang zong an fir hi a si tiah an chim.

Hi bantuk tlangval pawl thah le tilmu fir piak hi a tam ngai cang caah Kawlram police, Kawh tawng le Myowady a um mi pawl nih ralrin peknak zong an tuah cang i Thailand kal aa tim mi tlangval pawl hrim cu ralrin tein um cang uh, nungak muidawh nih an lem sual ahcun Mue Hnin Aye (ျမဴနွင္းေအး) misual phu pawl an si timi rak thei colh law an i lem sual zong ah hrial i zuam hna tiah ralrin peknak ca tiang an chuah cang tiah Myowaddy News nih a tarlangh hi asi. Hi thawngpang hi a hman taktak mi a si tiah Reader Choice zong nih a tarlangh ve.

Previous
Next

Leave a Reply

Your email address will not be published. Required fields are marked *

*