Skip to Content

Australia ah pem na duh maw? Caan ttha a si hih, Laimi, cathiam, degree ngei caah “LAM” kau pi a awng

Australia ah pem na duh maw? Caan ttha a si hih, Laimi, cathiam, degree ngei caah “LAM” kau pi a awng

Be First!
by February 12, 2019 Chin, Home

Australia ram pemnak “LAM” kau pi a awng

By Saya Sang Hre

Australia Cozah nih hin June, 2018 tiang ah Visa a pek mi hi phun 123 hrawng a si. Asinain, mah cu tampi a hloh i atu ahcun 73 tluk lawng an chiah. May thla ah election a si lai i Cozah thar an chuah ahcun tampi zong an thlen khawh ve rih.

Asinain, tulio Liberal Cozah nih cun khuate lei umnak ding caah bia tak tein lam a ser. Mah lam a ser mi chung in atam bik a rak phan mi hna cu Skilled Regional (Provisional) visa (Subclass 489) an si. Sri Lankan pawl la bang cu a phu phu bak in an phan hna.

Labor Party nih ram a uk zongah Sydney le Melbourne i mipem chiah ding cu an duh lo hrimhrim lai ti cu a fiang ko. Cucaah, khuate lei pemnak nih hi lam tampi a awn ter.

Mah visa hi zei tin dah a sok ning a si?

  1. Bible lei siloin secular lei in degree ngeih a hau. Mah degree cu Kawlram ta siloin ramdang ta a si hau. Kawlram degree cu Australia Education system i an pom khawh mi category (A le B ) ah ai tal lo. Hong Kong silo Singapore tbk hna maw? Europe ram hna i Degree a la mi caah mah hi lam tah tak a si.
  2. Tuan mi rian zong zok a si ve. Cun, mirang holh thiam maw thiam lo (IELTS) khi 6.0 an lak lai. Europe le America ram ah Master Degree na lak zongah IELTS Test na tuah hrimhrim a hau lai.
  3. India ram i University Degree a la i IELTS 6.0 nan hmuh cun lam a awng ngai kho. Aruang cu Australian Education system nih hin India ram education cu Category (B) ah a pom ve caah a si.
  4. Kawlram um bu tein sok khawh a si. Australia Cozah nih Skilled occupation rian tiah a cohlan mi ka ngei maw ngei lo ti cu a tang i ka tar chih mi “Link” ah khin tah tein zoh khawh dih a si.
  5. Timhtuahnak tha tak tein na ngei dih hnu ah na sok lai.
  6. Australia Cozah nih sawm mi na si lai. Atawinak cun interview an in auh mi lawng nih a ngah lai tinak khi a si.
  7. Fee caah AUD $ 3755 a dih lai. Mah hi cu visa pek ding in Interview an in auh tik lawng ah pek te ding a si.
  8. Kawlram embassy mah bantuk tiang in interview auh/tuah mi na si ahcun keimah sin ah bomh hal khawh a si. Khuate na kalnak ding caah rian offer ca kan in tial piak khawh.
  9. Mah Sub-class 489 visa a hmu mi cu Khuapi chung hrimhrim ah um a ngah lai lo. Khuate lei ah atlawm bik kum 4 rian na tuan hnu ah PR na sok lai. PR na si hnu cun khuapi lei ah thial khawh te ding a si.
  10. Visa na hmuh i khuate um duh loin na um sual ahcun Immigration nih direct na visa an in cancel piak lai i na umnak ram ah kuat colh na si lai. Mah visa buar (breach) hi tih a nung tuk. Zungzal in Australia luh kho lo ding in Immigration nih an in Kham lai. Blacklist na si lai tinak a si. Ka dang miphun nih tamtuk an ton cang mi a si.

Note: Mah hi na unau cathiam, Degree a la mi le a sining nih a tlinh ve ko i Australia ram hna pem a duh ve ahcun rak sok ter ve hrimhrim uh. An ngah lai lo ti chim khawh a si lo. Minung tamtuk nih an ngah cang. Mah skilled regional visa hi kumkhat ah 87,000 leng a lak lai tiah zumh a si.

Credit: Saya Sang Hre

Previous
Next

Leave a Reply

Your email address will not be published. Required fields are marked *

*