Skip to Content

Chin State khuate (8) Kawl ralkap nih Bomb an thlak i a rawk dih

Chin State khuate (8) Kawl ralkap nih Bomb an thlak i a rawk dih

Be First!
by February 12, 2019 Chin, Home

Kawl ralkap le AA karlak raldohnak ruang ah Chin ramkulh, Paletwa peng khuate (8)  a rawk dih i khuami pawl zong an zam dih tiah theih a si.

Kan hnu January thladih lai hrawng khan Kawl ralkpa le AA hriamtlai pawl cu faktuk in Chin ramkulh chung ah an i kap hna i Kawl ralkap lei nih Helicopter in bomh an thlak mi ruang ah Chin ram khuate a simi Kha-Maung Wah khua telh in Khua (8) a rawk, khua mi pawl zong an dihlak in pawngkam khua le ramtang pawl ah an zam dih tiah Kha-Maung khua mi nih Khonumthung sin ah a chim ti asi.

“ Kan khua chung ah Helicopter in bomb an tlak i kan inn le kan lo zong a kangh dih caah kan zam hi a si, a tu cu inn le lo zong kan ngei ti lo, zeitin dah khua kan sak lai, khuazei dah kan um lai timi hmanh kan thei ti lo” tiah khuami pakhat nih a chim hi asi.

Chungkhar cingla rualchan he khua kan sa, kan ei kan ding hna, a si nain a tucu inn lo kan ngei ti lo, kan inn le lo zong kan zam tak dih cang i harsa ngai in cawlcangh le thutdir kan hau ko cang” tiah Kha-Maung Wah khuami pakhat nih cun a chim.

AA le Kawl ralkap raldohnak ruang ah a rawk mi, a kaang mi khua pawl hna cu Kha Maung Wah, Kin Talin, Kawsa Chaung, Ku Chaung Phia, Satin Wah, Phywe Leit Wah, Pidaung, Tharyakung (ခေမာင္း၀၊ ကင္းတလင္း၊ ေခါစာေခ်ာင္း၊ ကူေခ်ာင္းဖ်ားရြာ၊ စတင္၀ရြာ၊ ေဖြလိုက္ ၀ရြာ၊ ပီေတာင္ရြာ၊ သာယာကုန္းရြာ) pawl an si hna i khuami minung (1000) leng hna cu Paletwa khuapi le Bangladesh ram lei ah an zam hna tiah theih a si.

Hi kong he pehtlai in Kawl ralkap lei zong Media pawl nih biahalnak an ngeih hna i Chin ram kulh chung ah Bomb kan thla hrimhrim lo tiah an i pheh chih len rih ko ti a si.

Ref: Khonumthung

Previous
Next

Leave a Reply

Your email address will not be published. Required fields are marked *

*