Skip to Content

Delhi Hotel kanghnak ah minung (17) an thi, Kawlram mi (3) an tlau

Delhi Hotel kanghnak ah minung (17) an thi, Kawlram mi (3) an tlau

Be First!
by February 12, 2019 Home, Myanmar

India ram khualipi, New Delhi khuapi ah Hotel a kaang i minung (17) an thih pin ah a dang minung 3 hliamhma fak ngai in an tuar tiah theih a si. Cu Hotel ah a um ve mi Kawlram mi minung (3) zong an tlau, an thih le an nun an thei rih hna lo tiah AFP nih a tarlangh.

Hotel meikangh ruang ah a thimi chung ahhin ngakchia nute le a nu zong an i tel ve i Meikanghnak in luat duh ah Hotel thlalang awng in an zuan nak ah an thih ve hi asi.

Hi Hotel hi Delhi khuapi, minung an tam taktak nak hmun a simi Karol Bagh ah a um mi Arpit Palace hotel a si i a cung cem dot in meikanghnak hi aa thok.

 “Hotel ah aa thum ve mi Kawlram mi minung (3) zong an tlau, a thih le an nun kan thei rih hna lo” tiah NDTV nih a tarlangh ve.

Hi hotel chung ah hin minung 120 hrawng an um men lai tiah zumh a si, hi Hotel hi minthang ngai zong a si i a luancia kum 25 lio ah rak sak cang mi, mirum le milian ngan pawl an tlun tawnnak a si.

Sizung lei ttuanvo ngeitu zong nih a thi mi cazin an fehter cang, minung (17) an thi tiah Meithat tu ttuanvo ngeitu bik a si mi Sunil Choudhary nih a chim.

Hotel Meikanghnak ruang ah a thimi le an chungkhar cung ah kan lung a ttha hrim lo tiah India President le Chief minister zong nih an lung that lonak an langhter ve. Cu pin ah thihnak a tuar tu chungkhar pawl cu 5 lakh cio liamh an si lai tiah India Cozah nih fehternak an tuah cang hna.

AFP, NDTV

Previous
Next

Leave a Reply

Your email address will not be published. Required fields are marked *

*