Skip to Content

Aung San Suu Kyi caah thawngpang chia ngai ngai a chuak hoi, tubantuk thil a ton than cu ningzak ngai a si ko cang

Aung San Suu Kyi caah thawngpang chia ngai ngai a chuak hoi, tubantuk thil a ton than cu ningzak ngai a si ko cang

Be First!
by February 12, 2019 Home, Myanmar

Aung San Suu Kyi cu Ireland ram Galway city council nih Freedom of the City timi minthatnak award an pek mi an chuh tthan tiah theih a si hoi. Kawlram ah Bangali (Rohingya) pawl cu Kawl ralkap nih faktuk in an hrem hna, an thah hna, an tlaihhrem hna i inn le lo tiang an duah piak hna , Kawlram in an dawi hna, cihmih an timh hna ti ruang ah Ireland ram Galway city council nih Aung San Suu Kyi an pek mi minthatnak an pek cia mi “Freedom of the City” timi an chuh tthan hi as i tiah an chim.

“Freedom of the City” timi minthatnak award hi Irenland ram, Galway city council nih kum 2015 ah Daw Aung San Suu Kyi an rak pek mi a si i Kawlram ralkap cozah biatak tein a dohnak, Kawlram democracy caah biatak tein aa zuamnak le Kawlram mipi caah thih ngamh in a cawlcanghnak ruang ah an rak pek mi a si.

Galway city council nih vote thlaknak in biachahnak an tuah hi a si vote 13 nih chuh tthan siseh tiah an pek, cun minung 3 hrawng lawng nih chuh tthan sihlah seh tiah an pek, mi tam deuh duhnak in an chuh tthan hi a si.

Rohingya ruangah Daw Aung San Suu Kyi cu minchiatnak tampi a tuar, vawlei mipi nih an ralchan i Ralkap duh ning in a cawlcang, mipi duhnak le himnak a kawl ti lo tiah a phunphun in sual an phawt hnu ah minthatnak an rak pek cia mi zong an chuh duahmah hi asi.

Previous
Next

Leave a Reply

Your email address will not be published. Required fields are marked *

*