Skip to Content

Ngaihchia tein, Kawlram mipi nih an uar tuk mi hlasak thiam le a darling cu Pre-wedding photo zong an i thla dih cang nain lungfak bu tein an i tthen

Ngaihchia tein, Kawlram mipi nih an uar tuk mi hlasak thiam le a darling cu Pre-wedding photo zong an i thla dih cang nain lungfak bu tein an i tthen

Be First!
by February 12, 2019 Home, Myanmar

Kawlram mipi nih an uar ngai ngai mi hlasak thiam Wanah cu a darling Aung Nan (Aung Ni tiah Kawl ca in cun an tial nain a facebook min cu Aung Nan a si) he thitumnak tuah ding in pre-wedding photo zong an i thla dih cang nain ruah lo pi in an i phiat tthan, an puai a piat diam tiah theih a si.

Hlasakthiam Wanah hi Kawlram mipi zong nih an uar taktak mi asi ve. A darling Aung Nan he thitumnak tuah ding in biakamnak zong an tuah cang i a chuahkehnak Kachin ram ah kal in Myitkyina khuapi zong ah dawh taktak in Pre-wedding hmanthlak nak zong an ngei, an hmanthlak pawl zong online ah an phozar dih cang hi asi.

A si nain ruah lo pi in February 12 ah khan a darling a simi Aung Nan nih a mah facebook page in thawngthanhnak a tuah tthan i thitumnak puai cu a piat ko cang, zeiti awk a ttha ne lo mu tiah a tarlangh hi asi.

Zei ruang ahdah an i tthen tthan timi kong cu fiang in a langhter lo nain “Mipi dihlak kan nawlpat duh ko hna, thitumnak puai tuah ding timi cu let tthan a si ko cang, ka lungthat lo tuk bu tein theihternak kan rak tuah ve hna” tiah ca a tar hi asi.

Hlasak thiam Wanah le a darling hi kum(10) chung aa duh cang mi an si, an i duh dawtnak a fek, zohchun awk tlak an si tiah mipi zong nih an kong an ceih zungzal mi hna a si, a si nain a tu cu ruah lo pi in tthennak nih an karlak ah rian a ttuan ve ko cang rua, zeiruang bik ahdah thitumnak puai an let tthan hnga tiah a ceih mi zong an tam ngai ngai ti a si.

Previous
Next

Leave a Reply

Your email address will not be published. Required fields are marked *

*