Skip to Content

Model Thin Thin: Voi (9) hrawng cu Wai Lu Kyaw nih a ka sualpi: Court bia a chim mi pawl an phozar piak dih cikcek hoi cang hih

Model Thin Thin: Voi (9) hrawng cu Wai Lu Kyaw nih a ka sualpi: Court bia a chim mi pawl an phozar piak dih cikcek hoi cang hih

Be First!
by February 20, 2019 Chin, Home

Wai Lu Kyaw nih ttavuan kan lak ko lai (Nau na pawi zong ah kan thit ko lai) a ti ruang ah a duh bantuk tein ka um piak (A ka sualpi), A voikhat nak bik kan i hmuh bak ah a ka sual pi colh hi a si, thla (7) chung kan i duh ahhin a tlawmbik voi(9) cu a ka sualpi ko tiah Model Thin Thin nih nizaan Biaceih zung chung ah khan a chim ti asi.

Cun Model Thin Thin nih nizaan biaceih bawi hmaika ah a chim rih mi pawl cu; Aluancia kum June thla chung ah khan Nu kong he aa pehtlai mi puai pakhat ah lemcang a simi pakhat nih Wai Lu Kyaw he hin theihternak a ka tuah, cun puai a dih bak cun Wai Lu Kyaw motor chung ah cun ka tthu ve, lampi a si ko caah kan inn tiang an ka thlah rua lai tiah ka ruah hi asi. A si nain Wai Lu Kyaw nih cun dawr pakhat khat ah kal uhsih law eiding uhsih tiah a ka ti, cun Wai Lu Kyaw cu a inn ah a va kal i phaisa a va lak tthan hi a si. Phaisa a lak karlak ahcun Lam cawn ding in an ka chimh tthan ruang ah Thuwana pawng ah a um mi Goal Hotel lei ahcun a ka kal pi (Lam cawnnak ding hi Goal Hotel lei ah si dawh a si).

A si nian Hotel kan phak cang ka in minung pahnih ihnak room pakhat cu a lak colh, cun Buh kio le cold drink a ka cawk piak mi cu a rak ka pek i leng ah a chuak tthan ko. Cold drink a ka cawk piak mi ka din bak cun ka lungmit bantuk in ka um colh i Hotel ihkhun cungah cun ka ih, kaa hngilh lio ahcun Wai Lu Kyaw hi a rak lut, ka thilri a rak phoih dih mi hmanh ka rak thei lo, ka thilri a phoih dih hnu ahcun ka lau i ka zoh colh, Wai Lu Kyaw cu a rak um ko, cu tikah voikhat hmuhnak men i hi bantuk thil tuah hi cu a si kho lo, ka duh lo tiah ka el chih len, a si nain zeibantuk thil hmanh chuak sehlaw ttuanvo kan lak ko lai (Na pawi zong ah kan thit ko lai) a ti, cu pin ah ka lung a mih ngai fawn ruang ah zeitin hmanh in ka thazaang ka hmang ko ti lo, a ka sualpi diam.

Cu hnu cun nungak tlangval aa duh taktak mi dirhmun ah kan um, thla (7) chung leng kan i zuldawi, cu chung vialte ahcun a tlawmbik voi(9) hi cu a ka sual pi, Hotel kan umnak le nupa sinak kan tuah lio pawl vialte record ka ngei dih, hmanthlak in siseh, video in siseh record ka tuah dih tiah Model Thin Thin nih cun nizaan biaceih zung ah khan a chim ti asi. Cu vialte a chim dih hnu ah Model Thin Thin nih tehte caah aa ken mi video, hmanthlak ti bantuk vialte cu Biaceih zung nih tehte caah an cohlang piak dih ti a si. A ra laimi March 8 ah auh tthan ding an si i khi tikah zeitin dah bia an ceih hna lai timi cu theih a si rih lo.

Real Thadin

Previous
Next

Leave a Reply

Your email address will not be published. Required fields are marked *

*