Skip to Content

Kan i lawmtuk sual, UNHCR nih policy thar a thlen timi kong ah (Tuni thil cang)

Kan i lawmtuk sual, UNHCR nih policy thar a thlen timi kong ah (Tuni thil cang)

Be First!
by February 21, 2019 Chin, Home

UNHCR nih Chin ralzam caah policy thar a thlen tthan, ralzam card a chut tthan hna lai lo tiah nizaan ah tial le tlangzarh cio a si. Hi bia hi Dr. Sa Sa nih Mara biaruahnak ah a tar langh tiah Mara news pakhat nih a phozar hnu in dawi cio le tlangzarh chin cio a si.

A poi ngai mi cu kan i lawmtuk sual i kan mah tein ralzam kan hawile ruahnak kan pek colh hna hi asi. Tuni ah Ralzam chungkhar pakhat cu UNHCR ah interview tuah ding an si nain an hawi le nih kal a hau ti lo, News na rel lo maw, UNHCR nih policy a thlen cang caah a hohmanh interview tuah a hau ti lo tiah an chimh hna ruang ah kal loin an um, a si nain vanthat ah hruaitu upa pakhat nih va kal ko uh a ti hna i an va kal tthan. Kal loin um sual hna sehlaw UNHCR nih  refugee an sinak kha direct in a lak khawh mi a si.

Ralrin ngai awk le ruah awk ngai a si mi cu “Hi bia hi UNHCR nih Ralzam upa sin ah thawngthanhnak a tuah rih lo, cu bantuk thiamthim cun Delhi hna ahcun notification interview zong a hlan bantuk tein in tuni zong ah a kal pi thiamthiam rih. UNHCR nih ralzam hruaitu upa le mipi sin ah policy ka thlen a ti hlan chung paoh cu lawm tuk in le a si lo ning, mah ruahnak men men in kan hawi le ruahnak kan pek lo hna hi a biapi ngai.

Hi kong ah Malaysia ralzam upa sin zong ah UNHCR nih bia an chim mi a um lo bantuk in Delhi ralzam upa le CHRO sin zong ah zeibantuk thawngthanhnak hmanh a tuah rih lo, cu bantuk thiamthiam in notification interview cu a kal pi thiamthiam ko. Fak tuk in i lawm rih hlah uhsih law UNHCR nih kan hruaitu sin ah bia a chim hlan thawngthanhnak a tuah hlan cu interview an kan auh mi zong ah kal rih ko hna uhsih, ruahnak in kan hawile ruahnak cheuh le a si lo ning in thazaang pek zong ralrin ngai a herh mi a si.

Previous
Next

Leave a Reply

Your email address will not be published. Required fields are marked *

*