Skip to Content

2008 Phunghrampi kan remh lo ruang ah Rampi a rawk lai maw tiah USDP party nih biahalnak an tuah cang

2008 Phunghrampi kan remh lo ruang ah Rampi a rawk lai maw tiah USDP party nih biahalnak an tuah cang

Be First!
by March 14, 2019 Home, Myanmar

Atu lio kawlram nih lakhruak in a herh bik mi rampi chawhleh thalnak, chungkhar le pumpak eidin kong papek in rianttuan a herh tuk lio ah 2008 phunghrampi remh ding timi rumro aupi hi zeidah a sullam asi, 2008 phunghram remh lo ruang ah rampi cu a rawk hlei lai maw tiah USDP party biachimtu a si mi Dr. Nanda Hlah Myint nih biahalnak dawhcah lo ngai a chuah pi tiah theih a si.

Hi biahalnak hi 12 March 2019 ah Akonthi thawngzamhbu pawl nih interiveiew an tuah lio ah Dr. Nandan Hlah Myint nih a chim hi a si.

Dr. Nanda Hlah Myint nih biahalnak bantuk in a chim mi cu “Tulio kan ram le mipi caah zeidah a biapibik mi a si. Zeipawl dah kan ram le mipi caah a rannak in ttuanchuah le papek in kar hlan pi a herh mi a si. Zeibantuk rian a dah a pakhatnak ah papek in kan tttuan lai i zeibantuk dah a pahnihnak dot ah kan kal pi a herh. Tahchunnak bantuk in hei chim ko ahcun, 2008 phunghram pi remh hi a herh lo, kan duh lo ti nak a si lo nain namchan khawhraw, i hnawhnam ngai in remh a herh maw timi ruah a herh. A ngaingai ti ahcun hi kum 2008 phunghram pi hin pei President Thein Sein nih kum 5 chung ah thanchonak le thlennak tampi a chuah pi ko cu. Hi phunghram pi kan remh lo ruang ah kan rampi cu a rawk hlei lai maw. Phunghram kan remh lo ruang ah ei awk le din awk ngei lo cun kan um hlei lai maw. Cu nak in a biapi deuh mi cu nihin kan ram le kan mipi, nangmah lei keimah nih kan herh mi kan eidin le hrukaih kong, rampi thanchonak hi papek in kan kal pi ding tu a si deuh” tiah a chim hi asi.

Aluancia 29 January 2019 ah 2008 phunghrampi remhnak kong cu Hluttaw ah rak chuah pi a si i a hranpa a zoh ding committee zong rak dirh a si cang. A si nain nihin tiang ah USDP party nih cun phunghram remh an duh lonak cu direct in chim lem loin indirect in an langhter peng hi asi.

Previous
Next

Leave a Reply

Your email address will not be published. Required fields are marked *

*