Skip to Content

Kawl ralkap nih khuami pakhat faktuk in an thah hoi

Kawl ralkap nih khuami pakhat faktuk in an thah hoi

Be First!
by March 14, 2019 Home, Myanmar

Kawl ralkap nih sualnak ngeilo khuami pakhat cu faktuk in an thah tiah theih a si. Hi thil hi Rakhine ram ah a cang mi thil a si.

Kyauk Tong khuate ah a um mi, U Hla Kyaw Thein i fapa Hla Maung Win kum (23) cu malaria zawtnak ruang ah dirhmun chia ngai in a um i chungkhar le mi bawmtu (Charity worker) pawl nih ambulance in Mrauk U Sizung ah an tlik pi. A si nain Sizung an phak hlan lampi ah kawl ralkap pawl nih an tlaih hna i mizaw a tho kho bak lomi Hla Maung Win cu faktuk an hrem, an chuih, an tuk an velh, meithal kuang in an den chih ruang ah Sizung hmanh phak manh loin ralkap pawl hmai ahcun a nunnak a liam tiah an chim.

Kawl ralkap nih hin Hla Maung Win cu an thah hnu ah a dang, Sizung ah a hruai tu minung (4) ambulance driver zong cu an tlaih hna i a tu hi an mah ralkap camp ah an hren rih ko hna, zeibantuk hremnak dah an pek hna timi zong fiang in theih an si rih lo.

Hi Kawl ralkap pawl hi infantry 378 ah a um mi an si hna, Sizung ah emergency in a kal ko mi mizaw an thah pin ah mizaw bawmchan tu le ambulance driver tiang an hrem hna tikah khuami pawl an lungfak ngai ti a si.

Previous
Next

Leave a Reply

Your email address will not be published. Required fields are marked *

*