Skip to Content

IS ralhrang 3000 leng nih meithal an chiah , IS an dih ruangmang ko cang

IS ralhrang 3000 leng nih meithal an chiah , IS an dih ruangmang ko cang

Be First!
by March 14, 2019 Home, World

Syria ram IS ralhrang a hnubik Sakhan ah a ummi IS ralhrang 3000 leng nih hriam an chiah i cozah ralkap sin ah an i pe cang tiah theih a si.

Hi IS ralhrang pawl hi kan hnu zarh ah khan Syrian Democratic Forces (SDF) pawl nih an va fuh hna i ceilak in an phomh hna hnu ah IS ralhrang lei nih hriamnam chiah in an i pek dih cang hi asi. Tutan surrender a tuah mi IS thongthum hna hi a donghnak bik Sakhan ah a um chun, a taang chun mi te an si cang hna tiah an chim.

Syria ram, Baghouz khuapi ah a um mi IS ralhrang pawl cu Syrian Democratic Force (SDF) le American ralkap pawl i bawm in zaanchiar te an phomh zungzal hna hnu ah an celh ti lo i a tu bantuk in hriam an chiahnak zong hi a si. A luancia kum 2014 lio ah khan IS ralhrang nih Syria ram le Iraq ram cheukhat cu an lak cikcek i Islamic State timi IS ramthar ser ding in timhtuahnak an rak ngei hna. A si nain Donald Trump a kai hnu in IS pawl cu an umnak paoh ah a dawi hna i umnak reprai ngai lo in an zam dih pin ah minung tam taktak thah le tlaih an si.

Tutan i hriam a chia mi IS ralhrang 3000 chung ah hin an nupi le an fale, an chungkhar ning in IS ralrang ah a um mi tampi an i tel ti a si.

IS ralhrang an umnak a si tiah kan theih mi paoh cu kan kal hnawh rih ko lai, kan dawi dih ko hna lai, ram chung ah IS pennak a dong cang tiah American ralkap hruai mi Syria ralkap lutlai pakhat nih a chim ve ti a si.

Biapeh: President Obama chan ahcun IS thazaang a tthawn, IS pennak a kau cuahmah i Vawleipi cu Hell ram bantuk in an tuah nain Doland Trump a kai cang kai in IS pawl cu an ci a hmih cikcek ko hna, Vawlei ah daihnak a ser cuahmah.

Previous
Next

Leave a Reply

Your email address will not be published. Required fields are marked *

*