Skip to Content

Pa ngakchia (2) tlaihhrem tu RC Father rank sangbik cu kum (6) Thongthlak a si ko cang

Pa ngakchia (2) tlaihhrem tu RC Father rank sangbik cu kum (6) Thongthlak a si ko cang

Be First!
by March 14, 2019 Home, World

Australia RC Father lakah rank sangbik a simi Cardinal George Pell kum (77) cu kum tling lo pa ngakchia pahnih tlaihhrem case in kum (6) chung Thonginn taang ding in biachahnak an tuah piak cang tiah theih a si.

Cardinal George Pell hi Australia RC Father rank sangbik a si leng ah Pope Francis nih a bochan ngai mi le senior advisor ah a hman mi a si. A luancia kum 1996 December lio ah khan, Melbourne’s St Patrick’s Cathedral Sunday an i pumh dih ah kum 13 lawng a si rih mi pa ngakchia pahnih cu a rak tlaihhrem hna tiah sualpuh a rak sak.

A sualnak cu caan saunawn rak thuhnawh a si nain a hnu ah a hun lang i pehzulh tein hlathlai nak an tuah lengmang hnu March 13, 2019 (Wednesday) ah khan Melbourne Magistrates Court pi nih kum (6) chung Thonginn ah taang dingin biachahnak an tuah piak hi asi.

Cu ruang ah George Pell cu an tlaih i thonginn lei ah an hruai colh. Kum (6) thongthlak dingin biachah piak a si pin ah kum (3) chung hrimhrim cu zeibantuk ruang hmanh ah thonginn in chuahnak nawl a um lo, parole nak nawl zong an pe lo tiah theih a si.

BBC

Previous
Next

Leave a Reply

Your email address will not be published. Required fields are marked *

*