Skip to Content

Malaysia CRC lei nih mipi sin ah thawngthanhnak

Malaysia CRC lei nih mipi sin ah thawngthanhnak

Be First!
by March 14, 2019 Chin, Home

Dear Malaysia aum mi Chin Ralzaam dihlak,

Nai teah CRC authawng(facebook) in thawng kan rak thanh cia ban tuk in UNHCR nih Chin ralzaam humhimnak pek mi aphih ding mi zohfel thannak angeithan hnu ah ni hin 14/03/2019 ah biakhiahnak an rak thanh tak cang.

Mah ban tuk thawng tha achuah I hmuh khawhnak ding ah Malaysia lei in a um mi miza pi, Fellowship vialte le Church dihlak nih nan thazaang in siseh nan chaw va in siseh tal pinak nan rak ngaih mi thawng le CHRO hrih-hruainak in le Ram thumnak um mi bochan mi kan unau nih tan pinak thawng in Pathian nih a kan pek mi asi ko.

June 13, 20148 ni kha cu philh awk atha lo kan lungre akan theih ter ni hram thawk asi, aruang cu kha ni ah UNHCR nih an kan auh I Chin ralzaam cu December 31, 2019 tiang lawng ral zaam ah cohlan nan si lai khi hnu in nan ralzaam sinak adih lai tiah a rak thanh. Mah ruang ah lung rawt le ruahnak pit in Chin ralzaam tam pi an rak um I mah le mah thahnak tiang hmanh arak chuak. Si hmanh sehlaw atu ah cun Pathian nih zoh sawh lo in ICC(Malaysia) hrih hruainak in rawl ulh thlacamnak kan rak ngaih mi cung ah siseh CHRO le ram 3nak a um mi kan Chin upa pawl Pathian hmannak nih ni hin 14/03/2019 ah Chin ralzaam pawl humhimnak a dong lai ti mi kha remh than in a dong than lai lo humhimnak kha peh zul tein pek an si than lai ti mi kan hmuh than. Lung lawmhnak in akhat hring hran ko.

Malaysia le India le ka dang dang I aum mi Chin Ralzaam asi mi paoh nan umnak hmun in lung re theihnak le vansannak angei mi nih tam pi nan hna an ngam ter hna lai ti zumhnak he.

Nan rian tuan ti hawi ,

CRC(Malaysia)

Previous
Next

Leave a Reply

Your email address will not be published. Required fields are marked *

*