Skip to Content

Delhi Chin ralzam nih Lunglomhnak puai sunglawi taktak in an tuah lai

Delhi Chin ralzam nih Lunglomhnak puai sunglawi taktak in an tuah lai

Be First!
by March 15, 2019 Chin, Home

UNHCR nih a bia a  let tthan i Chin ralzam zohkhenhnak ka pehzulh rih ko lai tiah thawng a thanh mi kong he pehtlai in Delhi khuasa Chin ralzam pawl nih sunglawi taktak in puai tuah an timh tiah kan theih.

 “Thihnak khur chung in kan luat ti tluk in kan i ruah, zeitik hmanh ah kan philh khawh ti lo ding mi ni, chinchiah awktlak ni ah a cang zungzal ding a si ruang ah sunglawi tein puai tuah kan timh, UNHCR nih Chin ralzam ka hlawt lai tiah biachahnak a tuah ri in nihin tiang pehzulh in mitthli he thla a camtu zong an tampi, kan mah le Biakinn cio ah thlacamnak tuah a si bantuk in bukip fonh zong in tuah peng a si, cun ramthumnak ah a um mi, Australia le USA kan pale, Malaysia le Delhi ramzam upa dihlak, CHRO zong rethei le lungre thei taktak in rian ttuan asi. A si nain Pathian nih kan thlacamnak a kan leh, kan pale vialte an retheihnak le a thabat nak vialte a theipar kan hmuh cang mi ruang ah lunglomh raithawinak tuah kan timh hi asi. Hi ni ahhin kan caah pehzulh tein nihin tiang rian a ttuan mi Delhi hrambunh NGOs, (ARA, South Asia Human Rights Documentation Centre) ti bantuk pawl zong kan sawm hna lai i upatnak le kan i lawmhnak langhternak zong kan tuah lai, a biapi bik cu Pathian sin ah lomhnak bia kan chim lai tihi kan i tinh bik mi a si” tiah Delhi upa pakhat nih a chim.

Kum 2018 June 19 ah UNHCR nih thawngthanhnak a tuah i Chin ralzam zohkhenhnak ka donghter cang lai, Kawlram le Chin ram a him cang tiah thawngthanhnak a rak tuah mi ruang ah Malaysia le Delhi ah a um mi Chin ralzam tampi cu lungre thei in an rak um cio hna. A si nain ralzam community le upa si hna seh ramkip in upa le kan mifim tampi nih an si khawh chung in rian an ttuan i UNHCR biachahnak hi a dik lo tiah an doh hnu ah nizaan ah UNHCR nih thawngthanhnak thar a tuah tthan i Chin ralzam zohkhenhnak ka peh rih ko lai tiah a chim tthan hi asi.

Delhi cu nihin thok in ralzam card thar an pek thok cang hna i a ralai mi 18 March 2019 ah UNHCR le Delhi ralzam pawl zong tonnak an ngei tthan lai, zeitin dah hmailei karhlan ning a si lai timi zong felfai tein an i ceih tthan hna lai tiah theih a si.

*Copy ngah lo*

Previous
Next

Leave a Reply

Your email address will not be published. Required fields are marked *

*