Skip to Content

CCI-Chin Advocacy Thawngthanhnak Apeh:Chin Ralzaam Caah Thawng Tha

CCI-Chin Advocacy Thawngthanhnak Apeh:Chin Ralzaam Caah Thawng Tha

Be First!
by March 15, 2019 Chin, Home

Israel Miphun hna nih tah ai hram buin Pathian sin thla an caam tikah an thlacaamnak a lettu le Siangpahrang hna thinlung hak hmanh zong a thleng khotu Kan biakmi kan Pathian nih tutan Chin ralzam kan dirhmun kongah a si kho deuh ti men lai lo tiah bei dongh in kan um lio ah kan lungretheihnak le thlacaamnak a kan theih piak than i Lam a kan onh piak than caah Kan Miphun lam a kan hruai cuahmah kotu kan Pathian cu a min kan thangthat.

UNHCR Headquarter , Geneva nih thlanglei Laitlang lei cu an dirhmun a zualhma chin langmang rih ko caah ralzam pawl cu zohkhenh rih ko dingin March 14,2019 ah thawngthanhnak a tuah.

“We recognize that Chin refugees may still require international protection due to the worsening security situation in southern Chin State in Myanmar, which has resulted in new displacement”, said Volker Türk, Assistant High Commissioner (Protection) for UNHCR.

Click law UNHCR thawngthanhnak mirang in a um lai 

Chin Ralzam hna hmailei thutdirnak kong ceihkhannak ding caah Independence Chin Communities (ICC) hrihhawhnak in Feb 13-14,2019 ah tuah mi meetinng ah CCI President asi i Chin Refugees Advocacy upa Peter Thawng Hmung zong BD hnathlaknak in a kal kho.BD member David Nuntho zong nih a zulh khawh ve.ICC riantuannak ding caah Indy Chin Business hna le Chin Refugee Advocacy upa hna nih thawh mi ($,5000.00)kan rawnh hna.An i lawm ngaingai.Nan thazaang tampi kan herh rih ko tiah bochannak he bia an kan cah chap.Tutan cathanhnak zongah an vanlanghter mi kan hmuh tikah Tonnak le cawlcanghnak step by step tete in an kan tuah pi mi hi hmual a um ngai ko ti a lang.

CCI-Chin Refugee Advocacy upa zong asi i CBC-USA General Secretary a si mi Rev.Dr Thlaawr Bawihrin cu Ralzam kong he pehtlaiin Bankok ah March 4-5,2019 tiang meeting a va kai kho.Abik in an ceih mi cu:

1. 2019 chungah Ralzam sinak in donghternak kong.

2.Resettlement Kong.

3.Malaysia ah a tang i zei status hmanh a ngei lo mi hna kong asi.

A meeting kainak in Indianapolis a phak ni ah UNHCR leiin thawngpang tha an van thanh cawlh hi asi.Kan hruaitu hna hi Pathian nih kan miphun caah a hman cuahmah hna ti fiang tein hmuh khawh an si.

ICC le a hlei in CHRO nih tampi riantuan ding a ngei rih.Chawva leiin kan thazaang a kan herh ngaingai.Chin community lungrual tein kan ttangtti hna, kanmah kan ttuan khawh cio nak lam kip in. Cu i a theitlai pakhat a si .

Relchap:Malaysia Refugees dirhmun.

2018 December thladongh tiangah Refugees le Asylums in Malaysia UNHCR zungah Kawlram minung in register a tuah mi 163860 an si hna.Culak ah Chin Miphun chungin 26180 an si.2013 hnu ah 23,000 leng mobile registrations in an lut.

July 20,2018 chungah UN Officer Ms. Rachel Damas chim ningah Chin ralzam dihlak chungah August 17,2010 hlan i a lut mi 5200 ca long hi resettlement program ah kan chiah mi hna an si cang tiah a rak ti.

2018 Chungah ICC bu(5) fonhin an minung cio Thlaihkhih Tong Mi Report peknak tawi.

1.Arrested – 516

2.Bail-out -302

3.Lock Up/Prison-61

4.Detention – 88

5.Deportation-79

Website ah update kan tuah chih langmang ve (Click law an website na rel khawh lai) 

Credit: Chin Community of Indiana

Previous
Next

Leave a Reply

Your email address will not be published. Required fields are marked *

*