Skip to Content

India ralkap le Kawl ralkap an i bawm i AA hriamtlai an kah cang hna

India ralkap le Kawl ralkap an i bawm i AA hriamtlai an kah cang hna

Be First!
by March 15, 2019 Home, Myanmar

A luancia February 17 thok in March 2, 2019 tiang Kawl ralkap le India ralkap i bawm in AA hriamtlai an kah hna tiah an mah India ralkap lei nih an chim. Hi thawngpang hi India ralkap lei nih an chim hnu ah India Today nih a tarlangh chin mi a si.

India Cozah nih a ram nichuah lei ramri runvennak, security lei biatak tein usa a pek cuahmah lio ah India ralkap cheukhat pawl cu nichuah lei ramri ah kal in AA hriamtlai biatak tein an kap ve hna tiah an tarlangh ning cu a si.

AA hriamtlai cu Kawlram cozah nih ralhrang bantuk in a zoh mi hna an si bantuk in India-Kawlram pehtlaihnak Kaladan project kong he pehtlai in hnahnawhnak zong an chuah pi tuk. India le Kawlram hnatlaknak in tuah cuahmah mi Kaladan Project cu Ti lam le tlanglam pahnih kemh in kal ter le tuah cuahmah lio mi a si i India ram Kolkata- Mizoram Lawngtlai in Kawlram chung, Paletwa in Sittwe lei ah a lut mi a si. AA hriamtlai pawl ramri, Paletwa peng chung ti bantuk an um mi nih hi rian hi hna a hnawh ngai ruang ah tu bantuk in India ralkap le Kawl ralkap an i bomhnak zong hi a si tiah India Today nih cun a tarlangh fawn.

Tubantuk in India le Kawl ralkap hnatlaknak an ngeih mi ah “ A voikhatnak bik ah Mizoram vawlei chungah a um mi Tapung Sakhan pawl hrawh le thio dih hna, cun a pahnihnak ah NSCN (K) Naga Sakhan doh le kal pawl hi an lungtlinnak ah aa tel fawn mi a si tiah an langhter chih.

Kawl ralkap le India ralkap hnatlaknak cu February thla in an thok i March 2, 2019 tiang pehzulh in an tuah hi asi.

Ref: RFA

Previous
Next

Leave a Reply

Your email address will not be published. Required fields are marked *

*