Skip to Content

Aung San Suu Kyi nih free tein a hman mi Helicopter hi a hota dah a si timi an langhter cang

Aung San Suu Kyi nih free tein a hman mi Helicopter hi a hota dah a si timi an langhter cang

Be First!
by March 16, 2019 Home, Myanmar

Aung San Suu Kyi nih khualtlawnnak ah a hman mi helicopter ruang ah bia vaivuan le soiselnak ti bantuk tete a um ngai mi ruang ah hrilhfiahnak an langhter cang.

Aung San Suu Kyi nih khual tlawnnak ah a hman mi Helicopter hi HTOO chairman a simi U Tay Za ngeih mi Air Myanmar Aviation Service Co.Ltd nih free tein a hmanter mi hna a si tiah an chim.

Hi helicopter XY-AFK hi Air Myanmar Aviation Service Co.ltd nih a ngeih mi a si i mah company nih hin Kawlram chung minung nih fawizaang tein an i hlan khawhnak ding ah rian a ttuan mi a si, phundang in chim ahcun mi dangdang zong nih phaisa he hlan in hman khawh mi an si.

Aung San Suu Kyi cu kawlram chungah nubik, rampi ruahnak petu a si bantuk in Kawlram hmun dangdang a khual tlawnnak caah tiah Free tein an hman ter mi a si tiah an tarlangh.

Hi Helicopter ruang ah ram chung mipi nih ruahnak thurhnawn ngeih lo zong a biapi i Helicopter kan hmanter mi le a ra lai mi 2020 election zong zeihmanh pehtlaihnak aum lo, dawtnak le zawnruahnak he kan hmanter mi a si tiah an chim ti asi.

Previous
Next

Leave a Reply

Your email address will not be published. Required fields are marked *

*