Skip to Content

Kawl ralkap nih Aung San Suu Kyi thah an rak timh lengmang nain an thah khawh lonak kong rak rel ve

Kawl ralkap nih Aung San Suu Kyi thah an rak timh lengmang nain an thah khawh lonak kong rak rel ve

Be First!
by March 16, 2019 Home, Knowledge

Kum 1996 (1 November 1996) chunhnu suimilam 2pm ah,  Indaw Myo (အင္းေတာ္ျမို ့) pawng, Le-pin khuate Primary Sianginn hunnak an tuah lio ah,  Chian Khianyi Neh Phuiphuyyi Atin SDA (ျကံ႔ခိုင္ေရးႏွင္ု့ ဖြံ႕ၿဖိုေရးအသင္း), a tu ahcun USDP party tiah auh a si cang mi nih Rail Road Minister U Win Sein nih hi tin a rak chim “ Daw Aung San Suu Kyi hi kan thianhhlim awk a si” a chim duhnak cu kan thah awk a si tiah a rak chim.

“A ho tal Aung San Suu Kyi a a fim ngam tu (A that ngamtu) nan um maw tiah voithum bak biahalnak a rak tuah ti a si.

A voikhat nak bik Daw Aung San Suu Kyi thah an rak timh ning cang

U Win Sein nih Aung San Suu Kyi a that ngam mi nan um maw timi biahal nak a tuah nu ni 9nak, 9 November 1996 ah NLD party boruak kong he pehtlai in Aung San Suu Kyi, U Tin Oo, U Kyaw Maung hna cu khual tlawn ding in an i thawh hna i, Yangon khuapi U Chit Maung Street Bahan Hisgh School No. 2 zawn an phak bak ah SDA (Solidarity and Development Association) lei minung le misual an hlan mi hna pawl nih Aung San Suu Kyi motor cu namte le lungtum, fei he an rak zuan hnawh taktak. Cu lio ahcun motor thlalang tiang in an rak khuai dih, U Chit Maung le Ton Oo nih an si khawh chung in Daw Aung San Suu Kyi cu an rak vennak ah an mah lehlam an lung a kuai dih, hliamhma fak ngai an rak tuar nain vanthat ah an nunnak cu a rak him.

Aung San Suu Kyi motor mongtu driver a thiamtuk ruang le a ralthat tuk ruang ah faktuk in motor an den chih bu in motor cu a mongh chih i a zampi khawh dih hna, cu ruang ah an za tein an rak him i Aung San Suu Kyi thah an rak thimh mi cu an hlawh a rak tling lo.

A voi 2nk Aung San Suu Kyi thah an rak timh nak in an hlawh a tlin lonak

Kum 1998 March 29 ah a si, Pathein (ပုသိမ္) lei ah party rian kong he pehtlai in akal mi Aung San Suu Kyi cu Thanta-Pin (အညာစုတံတားထိပ္ ) pawng a phak ah ralkap nih an motor cu an rak kham colh. Cu hnu ah eidin zong zeihmanh pe duh loin ni 8 chung an rak hren.

An i tinh bik mi cu ti lo le rawl loin kan hren lai i a mah tein a thi te kong lai tiah an rak ruah. A si nain Aung San Suu Kyi cu nithawng a rak i ken i ruahsur caan te ah a nithawng in a rak luang mi ruahti cu a din tawn i, ruahti in a paw a khimter aa zuam, a pum chung ah ti tampi a luh ter peng mi nih a nunnak a rak khamh.

Hi lawng hi a si lo, Aung San Suu Kyi hi kawlram a rak luh bak in Kawl ralkap nih cakei bantuk in an tih, uknak an kan chuh lai ti an rak phan tuk ruang ah voi tampi thahnak khua an khang i thah ding in an rak timh lengmang, an mah kut taktak in thah cu an ngamh ve lo ruang ah lam phunphun an rak kawl, voi tampi fahnak an pek i thah ding in order rak chuah a si nain vanthat ah nihin tiang nungdam tein a um khawh hi a si.

A voi 3nk Aung San Suu Kyi thah an rak timh nak in an hlawh a tlin lonak

25 June 1998 ni ah hin Aung San Suu Kyi mino tampi cu ramkhel le a dangdang kong cawnnak ngeih ding in an rak ra hna i cu mino pawl cu U Suu Kyi le Tin Oo nih cun an inn luhnak Gate pawng in an rak don hna. Cu lio ahcun Suu Kyi inn pawng ah a um mi Primary Sianginn lei kap in ralkap le CID pawl cu an rak tli hna i mino pawl cu fak ngai in an phomh duahmah hna, hi lio ah Suu Kyi zong nih mino pawl hliam an tuar lonak ding ah a si khawh chung in a rak cawlcang ve i “Ngakchia pawl kha harnak le fahnak pe hna hlah uh, nan duh le keimah tu hi ka vua ko uh” tiah Suu Kyi zong cu fak ngai in a au chih. CID Buhmu a simi Thura Ni Suu) nih cun Suu Kyi zong kha vua uh, phomh ve uh tiah order a rak chuah i aw thangpi in a rak au. Cu le cang ka cun U Tin Oo cu a lau tuk i Suu Khi nangmah kha a rannak in zaam zokzok, tulio ahcun Matar kan herh rih lo, ram caah nunnak pek nak in hruaitu ttha kan herh deuh, nangmah na thih awk a ttha lo tiah Suu Kyi cu biatak tein a rak ven colh ve.

U Tin Oo cu Suu Kyi a ven nak ruang ah faktuk in an rak vuak i hliamhma zong fak ngai in a tuar ve. Vuaknak le buainak ruang ah U Tin Oo cu innchung ah luh an rak sian lo i zanlei suimilam 2pm in a thaizing zinglei suimilam 11am tiang Suu Kyi inn tuar ah cun a rak ril ko, hi lio caan hi furpi lingcing a si fawn tikah ruah a rak sur ngai i ruahsur lak ah thi he U Tin Oo cu inn tual ah a rak ril ko. A thaizing zinglei suimilam 11am ah Suu Kyi te nih an rak lak tthan i a hliamnak hma pawl cu an fimhlawm piak, vanthat ah a nunnak cu a rak him. Hi lio caan ahin U Tin Oo nih Suu Kyi hi rak veng manh hlah sehlaw thah an rak timh mi a si, a rak thi ko hna.

Credit; U Tun Tun Oo

Note: Hi ca hi U Tun Tun Oo nih a tial mi chung in a tawinak te in lak chin mi a si. Kan mah ruahnak le hmuhnak zong pakhat hmanh kan chap mi a um lo.

Previous
Next

Leave a Reply

Your email address will not be published. Required fields are marked *

*