Skip to Content

Thawngchia: Kawlram ah nu (6) Ti ah an pam, An ruak in an char hna

Thawngchia: Kawlram ah nu (6) Ti ah an pam, An ruak in an char hna

Be First!
by March 16, 2019 Home, Myanmar

Yangon ramthen, Teihgyi pengkulh nu (6) hna cu Irrawaddy Tiva ah an nunnak a liam. Hi thil hi nihin 16 March 2019 ah a cang mi a si i Tilawng aa let mi ruang ah nu (6) hna cu ti chung ah an tla i an nunnak a liam hi a si tiah an chim.

“Nihin zinglei suimilam 8am hrawng ah khan Irrawaddy tiva pi chung ah Tilawng aa let tiah thawng an kan thanh hnu ah kan va zoh hi a si, nu (6) an nunnak a liam” tiah ttuanvo ngeitu lei nih an chim ning a si.

“A hmun kan va phak hnu ah thil sining cu felfai tein kan zohfel, zinglei suimilam 7pm hrawng ah kum(60) a si cang mi U Myah Ung nih a mongh mi Tilawng fate cu vanchiat ah an rak i leh hi a si, tiah Police lei nih an chim.

A ngaingai ti ahcun Tilawng mongtu U Myah Ung hi a rak si pah lo, Tilawng fate pahhnih cu a rak komh i a manh lawng in a rak mongh, a cung ah minung (25) hrawng, rianttuan tu pawl an rak cuang hna. Cun Tival khat lei rak va chuahnak ding hi a hlat tuk mi asi lo tikah a mah zong nih nidang bantuk in lawng a rak mongh hna hi a si, a si nain vanchiat an tong, a tilawng cu tha tein a tlaih khawh ti lo raung ah ti bantuk in an i leh i nu (6) tiang an nunnak a liam hi asi” tiah Police nih cun an chim chap.

Tilawng lehnak ruang ah a thi mi pawl hna cu Wa Wa Htay kum (22), Po Eih Hliang kum (22), Khua Ngio kum (13), Pah Pah kum (26), Khiin Lay Nwe (kum 17), Phyo Wa Cho kum (17) an si hna.

Atu hi Tilawng mongtu U Myah Ung cu Police nih an tlaih i tazacuainak an tuah colh cang.

Previous
Next

Leave a Reply

Your email address will not be published. Required fields are marked *

*