Skip to Content

Nungak Dawt Tha Cuai Kawlpa pahnih nih an fir, a thih le nun zong theih a si lo

Nungak Dawt Tha Cuai Kawlpa pahnih nih an fir, a thih le nun zong theih a si lo

Be First!
by April 15, 2019 Chin, Home

Khampat Khuami nungak Dawt Tha Cuai cu nizaan ah Kawlpa pahnih nih an fir i a tutiang inn a hlam rih lo caah chungkhar lungre thei tuk in anum cang. Nungak Dawt Tha Cuai a tlaunak kong he pehtlai in Uisih Tlang thawngzamhnak nih a tanglei bantuk hin fiang ngai in a tarlangh.

Khampat khua i a um mi Pu Lal Cung Le Pi Nun Thluai Hna i An fanu Dawt Tha Cuai cu China tiluk ram ah kalding in a hawi le he an i thawh i kawl titoih puai a si caah lan kho rih loin Yangon an puaisa nu Beutty inn ah an cam i nizan zanlei suimilam 5:00pm hrawng ah a hawi le he titoih puai ah an kal ve.

A hawi le nih kan tin cang hna lai an titik ah cun an hawi nu dawt tha cu kawlpa pa 2 nih a ban in an rawt i a duh lo buin he tiah titoih nak mandat kam ah a chung deuh ah an rawt i a hawi le nih cun a theih hngalmi a hawi le nih an rawt si ko la tiin an ruah i an tin tak Dawt Tha cu a hung chuah bal ti lo tik ah a hawi le nih an va kawl than tik ah a um ti lo i mi zei nih dah a tlaupi hnga ti zong a ruah awk an hngal lo.

Cun Dawt tha hi zeithil a caan zong theih a si ti lo a thih a nun zong theih a si lo.Kawl pawl titoih puai hi a tu bantuk in mi tlau le thah nawnnak ti bantuk le tleihhrem ti bantuk hi a um duh ngai tawn caah mi zei kan si poh ah i ralrin deuh kan hau.

Nu Dawt Tha hi a hmumi kan um ah cun neihniam bik police sin ah siseh laimi pa khatkhat sin ah theihter nak tuah dingin zangfah kan in nawl hna.A tu hi khua lei a nu le pa an lungre a thei hrinhran ko zei thangpang dang hmanh theih a si rih lo a tlau nak hi ni khat le zan khat a si cang tiah a nu le pa sin in thawng lak mi a si.

Credit: Uisih Tlang

Previous
Next

Leave a Reply

Your email address will not be published. Required fields are marked *

*