Skip to Content

Meithal kah mi SAZA cu Mizoram Sizung ah special bak in an conghhramh cuahmah

Meithal kah mi SAZA cu Mizoram Sizung ah special bak in an conghhramh cuahmah

Be First!
by April 15, 2019 Chin, Home

Nihin 15 April 2019 chun suimilam 12pm hrawng ah khan Bilkhawthlir khua chung, Tuitha Veng Thlanmual pawng ah hliam hma he a rak um mi SAZA cu khuami pawl nih an va hmu hi asi.

Thluanmual pawng ah SAZA a rak um ko cu an hmuh tikah an va fuh i an phone camera in hman hna na va thlak, a si nain SAZA cu a rak ngam tuk i a zam lo. Cu tikah a hmutu pawl cu an khuaruah har i a umnak taktak ah an va fuh tik ahcun a Ke ah hliamhma a rak um kha an hmuh.

Cu hnu ah Bilkhawthlir um Forest pawl sin ah thawngthanhnak an tuah colh hi asi. Bilkhawthlir Forest department lei nih Saza hliam hma he an hmuh timi thawngpang cu an theih cang ka in an mah Staff pawl an thlah colh hna i YMA le Forest staff pawl i bawm in an va tlaih.

Cun Saza cu Forest Department lei nih Kolasib lei ah an kal pi colh i an mah Forest Department lei doctor te kut ah an chiah colh hi asi.

Tu ahhin Chhimphei YMA, Forest department le ASEP pawl i bawm in thanhca pakhat an chuah i Zampuimang Lungphun pawng ah Saza hliamtuar mi an hmuhnak kong le a dang pakhat rep in awh mi an hmuhnak kong cu an tarlangh. Rep in an awh mi Saza cu tha tein an zohkhenh colh ko nain a nunnak an chanh manh ti lo ruang ah “Saza rep a tarh tu, Saza rep in a awh tu cungah kan lungfak, kan duh hrimhrim lo” timi cathanh zong an chuah. Cu Saza rep in awh mi an hmuh mi cu Khathla Vety Hospital ah an rak zohkhenh ko nain an chanh manh ti lo. Hliamtuar in an hmuh mi a dang pakhat tu cu a tuhi ttha tein an zohkhenh cuahmah lio a si i a nung dam men lai tiah an ruah.

Previous
Next

Leave a Reply

Your email address will not be published. Required fields are marked *

*