Skip to Content

Lainu Nilen le Kawlnu Academy Phway Phway ( Hawi ruahnak a can lo mi nih rak rel uh)

Lainu Nilen le Kawlnu Academy Phway Phway ( Hawi ruahnak a can lo mi nih rak rel uh)

Be First!
by April 15, 2019 Chin, Home

Kan Lainu hlasakthiam Nilen Par Mawi cu Kawlram level ah minthang ngai pakhat dirhmun ah a hun phan ve cang. Laimi nih kan soisel, kan thangchiat tuk nain Pathian nih a cawisan i cawisangtu minung tampi a pek. Kawl miphun karlak ah linsa ngai in a cawlcang kho dirhmun ah a hun phan cang.

Tulio cu Kawl titioh lio caan a si, kan farnu Nilen Par Mawi zong Kawlram level in hlasak lei ah minthang a si ve tikah Sunglawi taktak in hlasak an sawm ve hi asi. Kan farnu Nilen Par Mawi nih Kawl mipi a lomh ter khawh mi hna hi kan lomhpi ngai ngai awk a si i minung thong tamtuk hmai ah Chin nu tiah an au hnawh i an uar tuk mi khi kan i lunghmuih ngai awk a si tiah ka ruah.

A sinain cawnnak sang a ngei lomi, hawi thluk a caan lomi Laimi cheukhat pawl nih an soisel hoi. Kawl ah maw aa ruah, Kawl a si ko cang lo maw, Buddhist pawl a si ti tiang in a soisel mi comment kip ah hmuh khawh a si. A ngai ngai ti ahcun hi bantuk bia a chim mi pawl khi Tanghra awng loin Bible sianginn kai mi, Cawnnak ngei loin Evangelist thawngtha chimnak in ka piangthar a timi pawl, Lai lei khuate level hmanh theih hngalhnak a ngei lomi, sianginn kai lo, ca rel kho lo, Lanbe minung men men an si.

Kawl Budhist puai ah va kal khi Buddhist an si ve tinak a si lo, Kawl Pura va zoh khi Buddhist an si tinak a si lo. Democracy ram ahcun Biaknak kip upat ding ti a si. Zeibantuk biaknak kip kha upat piak hna ding a si, a si nain zumhnak taktak cu thinlung ah a um mi a si deuh. Zeiruang ahdah IS pawl khi pialsual an ti hna, an biaknak lawng kha vawlei ah um seh ti an duh, an biaknak karhnak ding caah midang biaknak a zum mi pawl va thah kha a poi ah an chia lo. Laimi Khrihfa aa ti tung i cawnnak a ngei lomi, Khuangtum le holh theih lo sak i lam ruang ah piangthar aa timi pawl hi Pialsual ah kan cang sual lai.

Tutan ah Kan farnu Nilen cawlcangh nak hmanthlak tete zoh tikah lung a hmui tuk. Kawlram level lemcang ah minthang bak a simi Phway Phway he an hmanthlak zong hi an i rem ngai. Ka chim duh mi cu mi na soisel hlan ah nangmah nun i check ta law, Sualnak ka ngei lo a timi nih Minu kha lung in chep uh timi Jesuh bia kha rak ruat tthan lengmang.

Cing Te (No copy past is permited)

Previous
Next

Leave a Reply

Your email address will not be published. Required fields are marked *

*