Skip to Content

Yangon Kawl Buddhist Titioh puai ah Zomi nih Miphun lam in an lomh pi ve hna

Yangon Kawl Buddhist Titioh puai ah Zomi nih Miphun lam in an lomh pi ve hna

Be First!
by April 15, 2019 Chin, Home

Yangon khuapi ah hlunghlai taktak in tuah mi Kawl kumthar Titioh puai (Zilawng-puai) ah Chin miphun chung in Zomi mino bu pawl nih miphun lam he an tel pi ve hna tiah theih asi.

Kawl kumthar titioh puai hi kan mah Chin miphun le kan biaknak he cun pehtlaihnak a ngei bak lomi a si. Kawl uknak tangah a um mi kan si ruang ah Chin ram chung ah cun rak tuah hlah uh ti hna zong ah thloh khawh a si lo. A si nain tutan thil cu phundang ngai a si. Kan mah Chin miphun chungin Zomi mibo bu nih Yangon hrimhrim ah an miphun thuam he miphun lam in an sunhlawih ve hna hi asi.

Zomi hi an ruahnak phundang deuh te cu a si ve ko. Kan hnu lei ah Ralbawizik Min Aung Hliang cu Chin paralttha timi upatnak an rak pek ruang ah bia raldohnak Chin miphun karlak ah linsa ngai in a rak chuak cang. Tutan zong ah Zomi minobu timi min in le Chin miphun min put in Yangon Kawl Titioh puai ah zohdawh taktak in an lam piak hna hi asi.

Hi thawngpang hi an mah Zomi (Tedim) minung sin in kan theih mi a si. Chin miphun chungah miphun ttengnge tampi kan um. A si nain cu Chin miphun chungin miphun tengnge tampi lakah an mah Zomi Mino lawng hi Kawl Buddhist titioh puai ah miphun thuam he a va lam mi an si ko rua. 

Previous
Next

Leave a Reply

Your email address will not be published. Required fields are marked *

*